Foto: freepik
9 tamyzda qylmystyq ister jónindegi mamandandyrylǵan aýdanaralyq soty 9 naýryzda Zachagansk kentindegi jeke úilerdiń birinde bolǵan zeinetkerdi aiýandyqpen óltirý isi boiynsha úkim shyǵardy, - dep habarlaidy Tengrinews.kz saity "Moi gorod" basylymyna silteme jasap.
Sáýir aiynda kisi óltirdi degen kúdikpen 35 jastaǵy áiel ustaldy. Onyń úiinen politseiler qandy kiim, pyshaq jáne basqa da aiǵaqtardy tapty.
Áiel Qylmystyq kodekstiń 99-baby "Qatygezdikpen kisi óltirý" jáne 192-baby "Turǵyn úige zańsyz kirý arqyly tonaý" boiynsha kináli dep tanyldy. Sýdia ony 16 jylǵa bas bostandyǵynan aiyrý jazasyn ortasha qaýipsizdiktegi qylmystyq-atqarý júiesi mekemesinde óteýge úkim shyǵardy. Sottalýshy sot zalynda qamaýǵa alyndy.
Sondai-aq, ol qaitys bolǵan zeinetkerdiń týystaryna 10 million teńge kóleminde moraldyq ótemaqy tóleýi tiis.
Aiyptalýshynyń ózi jáne onyń qorǵaýshylary sottyń bul sheshimimen kelispedi.
"Meni ne úshin aiyptady? Úide tórt kishkentai balam kútip otyr. Men bul adamdy ómirimde kórgen emespin", - dedi kúdikti áiel.
Al onyń advokaty apelliatsiialyq shaǵym túsiretinderin aitty. Buǵan deiin ol tergeýshiler kinásiz adamdy ustaǵanyn alǵa tartqan bolatyn.
"Sottyń bul sheshimimen úzildi-kesildi kelispeimiz. Bul qylmystyq is qoldanystaǵy zańnamany tolyǵymen buzý bolǵandyqtan, biz oǵan shaǵymdanamyz. Prokýratýra bul buzýshylyqtarǵa sot siiaqty múldem jaýap bermedi", - dedi advokat Arman Ábdirashit.
Sottyń úkimi zańdy kúshine engen joq jáne oǵan shaǵym túsirýge bolady.
2022 jyldyń tamyzynda zeinetkerdi óltirdi degen kúdikti tergeý izoliatorynda tórtinshi balasyn dúniege ákelgen. Sodan keiin áielge qatysty bultartpaý sharasy ózgertilip, sotqa deiin úiqamaqqa alýǵa ruqsat etildi.
