Oralda turǵyn úi órtenip, 2 gaz ballony jaryldy, dep habarlaidy "Ult aqparat".
BQO TJ departamenti memlekettik órt baqylaý basqarmasynyń bastyǵy, azamattyq qorǵaý maiory Mereke Jumaǵalievtiń aitýynsha, oqiǵa 5 naýryz kúni 2-saiajai aýmaǵynda boldy.
Saǵat 13.39-da «Nikel» baý-baqsha seriktestigindegi turǵyn úidiń janyp jatqany jóninde habar tústi.
Alǵashqy órt sóndirý bólimi kelgennen keiin aýmaǵy 120 sharshy metr úidiń otqa oranǵany anyqtaldy.
Sondai-aq órt sóndirýshiler kelgenge deiin 2 gaz ballony jarylyp, úidiń qabyrǵalary qulaǵany belgili boldy.
Qaza bolǵandar men jaraqat alǵandar joq.
«Tilsiz jaýdy» aýyzdyqtaýǵa 7 adam 3 tehnikamen jumyldyrylyp, órt 18.00-de sóndirildi.
«Órttiń shyǵý sebebi – turmystyq gaz qurylǵylaryn paidalaný kezinde órt qaýipsizdigi talaptarynyń buzylýy. Oblysta júrgizilip jatqan is-sharalarǵa qaramastan, turǵyndardyń osy talaptardy saqtamaýy jáne salǵyrttyǵy saldarynan órt pen jarylys sany (2020 jyly – 4 oqiǵa) azaimai otyr. TJ departamenti turmystyq gaz quraldaryn qoldaný kezinde abai bolý kerektigin taǵy da eske salady. Tótenshe jaǵdai oryn alsa, dereý 101, 112 (gaz qyzmeti – 104) telefondaryna qońyraý shalý qajet», dedi M.Jumaǵaliev.
