ورالدا تۇرعىن ٷي ٶرتەنٸپ, 2 گاز باللونى جارىلدى, دەپ حابارلايدى "ۇلت اقپارات".
بقو تج دەپارتامەنتٸ مەملەكەتتٸك ٶرت باقىلاۋ باسقارماسىنىڭ باستىعى, ازاماتتىق قورعاۋ مايورى مەرەكە جۇماعاليەۆتٸڭ ايتۋىنشا, وقيعا 5 ناۋرىز كٷنٸ 2-ساياجاي اۋماعىندا بولدى.
ساعات 13.39-دا «نيكەل» باۋ-باقشا سەرٸكتەستٸگٸندەگٸ تۇرعىن ٷيدٸڭ جانىپ جاتقانى جٶنٸندە حابار تٷستٸ.
العاشقى ٶرت سٶندٸرۋ بٶلٸمٸ كەلگەننەن كەيٸن اۋماعى 120 شارشى مەتر ٷيدٸڭ وتقا ورانعانى انىقتالدى.
سونداي-اق ٶرت سٶندٸرۋشٸلەر كەلگەنگە دەيٸن 2 گاز باللونى جارىلىپ, ٷيدٸڭ قابىرعالارى قۇلاعانى بەلگٸلٸ بولدى.
قازا بولعاندار مەن جاراقات العاندار جوق.
«تٸلسٸز جاۋدى» اۋىزدىقتاۋعا 7 ادام 3 تەحنيكامەن جۇمىلدىرىلىپ, ٶرت 18.00-دە سٶندٸرٸلدٸ.
«ٶرتتٸڭ شىعۋ سەبەبٸ – تۇرمىستىق گاز قۇرىلعىلارىن پايدالانۋ كەزٸندە ٶرت قاۋٸپسٸزدٸگٸ تالاپتارىنىڭ بۇزىلۋى. وبلىستا جٷرگٸزٸلٸپ جاتقان ٸس-شارالارعا قاراماستان, تۇرعىنداردىڭ وسى تالاپتاردى ساقتاماۋى جەنە سالعىرتتىعى سالدارىنان ٶرت پەن جارىلىس سانى (2020 جىلى – 4 وقيعا) ازايماي وتىر. تج دەپارتامەنتٸ تۇرمىستىق گاز قۇرالدارىن قولدانۋ كەزٸندە اباي بولۋ كەرەكتٸگٸن تاعى دا ەسكە سالادى. تٶتەنشە جاعداي ورىن السا, دەرەۋ 101, 112 (گاز قىزمەتٸ – 104) تەلەفوندارىنا قوڭىراۋ شالۋ قاجەت», دەدٸ م.جۇماعاليەۆ.
