Oralda politseiler esirtki satýmen ainalysqan er adamdy ustady. Onyń kóliginen 400 quty "Tropikamid" tabylǵan. Videony quramynda esirtki bar preparttardyń erkin satylýyna qarsy kúresip júrgen qoǵam belsendisi Aslan Ótepov jariialady, - dep habarlaidy Tengrinews.kz agenttigi "Habar 24" telearnasyna silteme jasap.
Retseptsiz ainalymǵa tyiym salynǵan preparatty "tramadol koroli" atanǵan qala turǵyny tasymaldaǵan. Ol tártip saqshylaryna júzdegen quty preparat jeke paidalanýǵa arnalǵanyn aitqan.
Ustalǵan azamattyń ústinen qylmystyq ister qozǵalǵany atap ótildi, onyń ishinde zańsyz kásipkerlikpen ainalysý da bar.
"Birinshiden, bul oidan shyǵarylǵan "tramadol koroli" litsenziiasy joq - bir. Onyń saýdalaýǵa quqyǵy joq - eki. Eger ol ustalyp, Qylmystyq kodekstiń 296-baby "Esirtki, psihotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý" boiynsha qylmystyq is qozǵalsa, nege satý maqsatynsyz? Satý maqsaty bolǵan. Biz muny jaqsy túsinemiz. Ol qaitadan ustaldy, birneshe ret. Biraq ol júikege áser etetin dári-dármekterdi satýdy jalǵastyryp júr. Oǵan eshkim eshteńe istei almady", - dedi "Halyq sybailas jemqorlyqqa qarsy" QB tóraǵasy Aslan Ótepov.
