ورالدا پوليتسەيلەر ەسٸرتكٸ ساتۋمەن اينالىسقان ەر ادامدى ۇستادى. ونىڭ كٶلٸگٸنەن 400 قۇتى "تروپيكاميد" تابىلعان. ۆيدەونى قۇرامىندا ەسٸرتكٸ بار پرەپارتتاردىڭ ەركٸن ساتىلۋىنا قارسى كٷرەسٸپ جٷرگەن قوعام بەلسەندٸسٸ اسلان ٶتەپوۆ جارييالادى, - دەپ حابارلايدى Tengrinews.kz اگەنتتٸگٸ "حابار 24" تەلەارناسىنا سٸلتەمە جاساپ.
رەتسەپتسٸز اينالىمعا تىيىم سالىنعان پرەپاراتتى "ترامادول كورولٸ" اتانعان قالا تۇرعىنى تاسىمالداعان. ول تەرتٸپ ساقشىلارىنا جٷزدەگەن قۇتى پرەپارات جەكە پايدالانۋعا ارنالعانىن ايتقان.
ۇستالعان ازاماتتىڭ ٷستٸنەن قىلمىستىق ٸستەر قوزعالعانى اتاپ ٶتٸلدٸ, ونىڭ ٸشٸندە زاڭسىز كەسٸپكەرلٸكپەن اينالىسۋ دا بار.
"بٸرٸنشٸدەن, بۇل ويدان شىعارىلعان "ترامادول كورولٸ" ليتسەنزيياسى جوق - بٸر. ونىڭ ساۋدالاۋعا قۇقىعى جوق - ەكٸ. ەگەر ول ۇستالىپ, قىلمىستىق كودەكستٸڭ 296-بابى "ەسٸرتكٸ, پسيحوتروپتىق زاتتارمەن, سول تەكتەستەرمەن, پرەكۋرسورلارمەن ٶتكٸزۋ ماقساتىنسىز زاڭسىز جۇمىس ٸستەۋ" بويىنشا قىلمىستىق ٸس قوزعالسا, نەگە ساتۋ ماقساتىنسىز? ساتۋ ماقساتى بولعان. بٸز مۇنى جاقسى تٷسٸنەمٸز. ول قايتادان ۇستالدى, بٸرنەشە رەت. بٸراق ول جٷيكەگە ەسەر ەتەتٸن دەرٸ-دەرمەكتەردٸ ساتۋدى جالعاستىرىپ جٷر. وعان ەشكٸم ەشتەڭە ٸستەي المادى", - دەدٸ "حالىق سىبايلاس جەمقورلىققا قارسى" قب تٶراعاسى اسلان ٶتەپوۆ.
