Oralda tórt avtokólik soqtyǵysyp, 4 adam zardap shekti, dep habarlaidy "Ult aqparat".
Oblystyq densaýlyq saqtaý basqarmasynyń baspasóz qyzmeti málim etkenindei, oqiǵa búgin munai bazasy aýdanyndaǵy kópirde boldy. Jedel járdem saǵat 11:50-de shaqyryldy.
Jol apaty saldarynan miy shaiqaldy degen kúdikpen 21 jastaǵy jigit, 35 jáne 77 jastaǵy áiel adamdar oblystyq kópbeiindi aýrýhanaǵa jetkizildi.
Zardap shekken 22 jastaǵy jigit aýrýhanaǵa jatýdan bas tartty.
Qazirgi kezde oqiǵanyń jai-japsary anyqtalý ústinde.
BQO politsiia departamenti baspasóz qyzmetiniń naqtylaýynsha, saǵat 11.50 shamasynda BMV avtokóliginiń júrgizýshisi A.Taimanov kóshesi jaǵynan kele jatyp, rýlge ie bola almai, avtokópirdiń jiektasyna soǵylǵan. Sodan keiin joldyń qarsy jolaǵyna shyǵyp ketken. Sonyń saldarynan tórt avtokólik túiisip, tórt adam meditsinalyq kómekke júgindi.
BMV avtokóliginiń júrgizýshisine qatysty QR Ákimshilik quqyqbuzýshylyq kodeksi 610-babyna sáikes hattama toltyryldy.
