Oralda tabys tabamyn degen 20 jastaǵy boijetken 3,6 mln teńgesinen aiyrylyp qaldy, dep habarlaidy "Ult aqparat".
BQO politsiia departamentiniń baspasóz qyzmetinen túsken málimetke qaraǵanda, atalǵan turǵyn 4-23 qańtar aralyǵynda «GOLD» investitsiialyq kompaniiasyna osynshama qarjyny aýdaryp jibergen.
Tabys taýyp, qarjy qoryn tolyqtyrmaq túgili, óz aqshasyn qaitara almaǵan ol 10 aqpan kúni politsiiaǵa júgindi.
Kúni búgin atalǵan kompaniiadan aldanǵan 70 turǵyn aryz jazdy.
Sońǵy kezde óńirde túrli tásildermen júzege asyrylǵan alaiaqtyq derekteri kóbeiip ketti. Aitalyq, 1979 jylǵy áiel ótken jylǵy qyrkúiekte plastikalyq tereze ornatyp beremin degen oraldyq 43 jastaǵy turǵynǵa 320 myń teńgesin ustatyp jibergen.
Báiterek aýdanynyń turǵyny ózin bank qyzmetkeri dep tanystyrǵan alaiaqqa aqsha aýdarǵan.
Ǵalamtor arqyly jumystanatyn alaiaqtar da azaimai tur. 2 aqpan kúni 1985 jylǵy oraldyq áiel ózin jumysqa ornalastyrýǵa kómektesemin degen alaiaqqa 138 myń teńgesin aýdarǵan. Jumysqa ornalastyrý týraly habarlandyrý Instagram áleýmettik jelisinde jariialanyp, áiel soǵan senip qalǵan.
Barlyq alaiaqtyq derekteri boiynsha QR QK 190-babyna sáikes sotqa deiingi tergeý amaldary júrgizilýde.
