Foto: Pixabay.com
Batys Qazaqstan oblystyq eńbek jáne halyqty áleýmettik qorǵaý departamentiniń basshysy Baqytjamal Bekqojina men №2 emhananyń nevropatolog dárigeri Rimma Telbaeva múmkindigi shekteýli adamdardan para alǵany úshin ustaldy, dep habarlaidy Ulysmedia.kz portaly mgorod.kz saityna silteme jasap.
Bekqojina múgedektikti taǵaiyndap, sozdyrý úshin 20 jáne 100 myń teńge aralyǵynda para alyp otyrǵan. Ol Sheierman-Maý, Parkinson dertine, omyrtqa jotasynyń osteohondrozyna shaldyqqan, mi tamyrlary zaqymdanǵan, týylǵaly gidrotsefaliiaǵa shaldyǵyp, mi talmasyna ushyraǵan adamdardan túrli kólemde para alǵan.
Jalpy esebi 12 epizod qarastyrylyp, alǵan para kólemi 1 million teńgege jetti. Al dáriger Rimma Telbaeva deldal rólinde bolǵan.
Sotta Bekqojina óz kinásin tolyq moiyndasa, Telbaeva kýágerlerdiń úsheýi óziniń patsientteri ekenin, múgedektik alýǵa kómektesýdi ótingenin aitty.
Sot sheshimi boiynsha Baqytjamal Bekqojina bir million teńge parasyn alpys ese mólsherde qaitaryp, 60 million teńgeni memleketke qaitarýǵa mindetteldi. Ol memlekettik qyzmetinen ómir boiy shettetildi.
