Oral qalasynda para alǵan politsiia qyzmetkeri ustaldy, dep habarlaidy "Ult aqparat".
BQO politsiia departamentiniń ózindik qaýipsizdik basqarmasy qyzmetkerleri QR UQK BQO boiynsha departamentimen birlese otyryp, kóshi-qon qyzmeti basqarmasy qyzmetkerin para alý ústinde qolǵa túsirdi.
BQO politsiia departamentiniń baspasóz qyzmetinen túsken málimetke qaraǵanda, atalǵan derek boiynsha QR QK 366-babyna (para alý) sáikes sotqa deiingi tergeý amaldary júrgizilýde.
Kúdikti Oral qalasy politsiia basqarmasynyń ýaqytsha oqshaýlaý izoliatoryna qamaldy.
BQO prokýratýrasy baspasóz qyzmetiniń naqtylaýynsha, politsiia qyzmetkeri 500 myń teńge para alý ústinde ustalǵan.
Sot qaýlysymen QR Qylmystyq is júrgizý kodeksi 139-babyna sáikes kúdikti 10 kún merzimge qamaýǵa alyndy.
Qazirgi kezde tergeý jalǵasýda, tiisti saraptamalar taǵaiyndaldy.
