Oralda páterlerdiń birinen er adamnyń múrdesi tabyldy, dep habarlaidy "Ult aqparat".
BQO politsiia departamentiniń baspasóz qyzmetinen túsken málimetke qaraǵanda, oqiǵa 31 naýryz kúni Qurmanǵazy kóshesi 164-úide oryn aldy.
Páterlerdiń birinen tabylǵan 1962 jylǵy er adamnyń denesinde zorlyqpen óltirý belgileri bolmaǵan.
Osy úide koronavirýs juqtyrǵan adamnyń tabylǵany jóninde áleýmettik jelilerde aýdiojazba tarap úlgerdi.
«Atalǵan azamattyń 16 naýryz kúni Resei Federatsiiasynan kelgendigi anyqtaldy. Soǵan bailanysty koronavirýstyń taralýyna jol bermeý maqsatynda múrde barlyq qaýipsizdik talaptaryn saqtai otyryp tasymaldanady. Turǵyndardan sabyr saqtap, anyq emes málimetti taratpaýlaryn suraimyz. Kórineý jalǵan aqparat taratqan adamnyń QR QK 274-baby 4-bóligi 2-tarmaǵyna sáikes qylmystyq jaýapkershilikke tartylatynyn eskertemiz», dep habarlady departamenttiń baspasóz qyzmeti.
Ólimniń sebebin anyqtaý úshin múrde sot-meditsinalyq saraptamaǵa jiberiledi.
Eske sala keteiik, budan buryn Oralda naýqas adam turǵan úiden karantin alynǵanyn jazǵan bolatynbyz.
