Oralda transformator zaýyty órtendi, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, Oral transformator zaýytynda tsehtyń janyp jatqany jóninde 14 jeltoqsan kúni túnde saǵat 22.07-de habar túsken.
Órtti barlaý kezinde jalpy aýdany 200 sharshy metr aýmaqta dánekerleý tsehynyń jabyny, qaptamasy, transformatorlardy synaý jabdyǵy, dánekerleý apparatýrasy, elektr tutqysh otqa oranǵany anyqtaldy.
Sonymen qatar oqiǵa ornynan 50 litrlik 20 ottegi ballony shyǵaryldy.
Qazirgi boljam boiynsha ot dánekerleý kezinde órt qaýipsizdigi erejesin saqtamaýdan shyqqan.
«Tilsiz jaý» saǵat 23.25-te tolyqtai joiyldy.
Órtti sóndirýge 48 qyzmetker, 16 tehnika jumyldyryldy.
