Foto:elements.envato.com
Oralda er adam ógei qyzyn birneshe ret zorlady degen kúdikke ilindi. Bul týraly "NeMolchi.kz" qorynyń ókilderi aitty, - dep habarlaidy Tengrinews.kz tilshisi.
"Oralda taǵy bir qaiǵyly jaǵdai, ákesi ógei qyzyn zorlaǵan, tipti ony áieli perzenthanaǵa ketken kezde jasaǵan. Onyń bárine qyzdyń sińlisi de kýá bolǵan eken", - delingen jazbada.
Jazba avtorlarynyń sózinshe, búginde er adam kólikti mas kúide aidaǵany úshin qamaýǵa alynǵan. Biraq ol birneshe kúnnen keiin úiine oralady. Qor ókilderi qyzdar men anasynyń ómirine qaýip tóne me dep qorqady.
"Balalardy qurmetteitin kez kelgen elde endigi psihologiialyq turǵydan, anasyna kómek kórsetý jaǵynan shara qabyldaityn edi. Kúdikti qamaýǵa alynar edi, sebebi aiyptaýlarǵa dálel bar, biraq bizdiń balalardy qorǵaý júiemizde ádettenip qalǵan bir áreket bar, ol: bastapqyda bala men anasyna senbei, rezonans týǵannan keiin jumys istei bastaidy", - jazba avtory.
