Oralda múmkindigi shekteýli balalarǵa kúsh qoldanǵan muǵalim sottaldy, dep habarlaidy "Ult aqparat".
BQO prokýratýrasynyń baspasóz qyzmeti málim etkenindei, Oral qalasy prokýratýrasy júrgizgen taldaý barysynda múmkindigi shekteýli balalardy qinaý deregi anyqtaldy.
Atap aitqanda, oblystyq estý jáne sóileý qabileti buzylǵan balalarǵa arnalǵan mektep-internaty kesheniniń dene shynyqtyrý pániniń muǵalimi K. múmkindigi shekteýli jasóspirimderdi doppen uryp-soǵyp, júieli túrde kúsh qoldanǵan.
Qala prokýratýrasynyń bastamasymen Oral qalasy politsiia basqarmasynyń Abai bólimi K-ge qatysty QR QK 110-baby 1-bóligi 2-tarmaǵyna (udaiy uryp-soǵý nemese ózge de kúsh qoldaný áreketteri arqyly tán zardabyna nemese psihikalyq zardap shegýge ushyratý) sáikes sotqa deiingi tergeý amaldaryn júrgizdi.
Alaida múmkindigi shekteýli balalardyń zańdy ókilderi men ata-analary tarapynan shaǵym túspeýine jáne qylmys quramynyń bolmaýyna bailanysty is toqtatyldy.
Qabyldanǵan sheshimmen prokýratýra kelisken joq. K-ǵa qatysty qylmystyq isti toqtatý týraly sheshimniń kúshi joiylyp, sotqa qaita joldandy.
Oral qalalyq sotynyń úkimimen burynǵy muǵalim QR QK 140-baby 2-bóligine (kámeletke tolmaǵan adamǵa qatygezdik tanytyp, ony tárbieleý jónindegi mindetterdi oryndamaý nemese tiisinshe oryndamaý) sáikes aiypty dep tanylyp, ol 80 saǵat kóleminde qoǵamdyq jumysqa tartyldy.
Sot úkimi zańdy kúshine engen joq.
