ورالدا مٷمكٸندٸگٸ شەكتەۋلٸ بالالارعا كٷش قولدانعان مۇعالٸم سوتتالدى, دەپ حابارلايدى "ۇلت اقپارات".
بقو پروكۋراتۋراسىنىڭ باسپاسٶز قىزمەتٸ مەلٸم ەتكەنٸندەي, ورال قالاسى پروكۋراتۋراسى جٷرگٸزگەن تالداۋ بارىسىندا مٷمكٸندٸگٸ شەكتەۋلٸ بالالاردى قيناۋ دەرەگٸ انىقتالدى.
اتاپ ايتقاندا, وبلىستىق ەستۋ جەنە سٶيلەۋ قابٸلەتٸ بۇزىلعان بالالارعا ارنالعان مەكتەپ-ينتەرناتى كەشەنٸنٸڭ دەنە شىنىقتىرۋ پەنٸنٸڭ مۇعالٸمٸ ك. مٷمكٸندٸگٸ شەكتەۋلٸ جاسٶسپٸرٸمدەردٸ دوپپەن ۇرىپ-سوعىپ, جٷيەلٸ تٷردە كٷش قولدانعان.
قالا پروكۋراتۋراسىنىڭ باستاماسىمەن ورال قالاسى پوليتسييا باسقارماسىنىڭ اباي بٶلٸمٸ ك-گە قاتىستى قر قك 110-بابى 1-بٶلٸگٸ 2-تارماعىنا (ۇدايى ۇرىپ-سوعۋ نەمەسە ٶزگە دە كٷش قولدانۋ ەرەكەتتەرٸ ارقىلى تەن زاردابىنا نەمەسە پسيحيكالىق زارداپ شەگۋگە ۇشىراتۋ) سەيكەس سوتقا دەيٸنگٸ تەرگەۋ امالدارىن جٷرگٸزدٸ.
الايدا مٷمكٸندٸگٸ شەكتەۋلٸ بالالاردىڭ زاڭدى ٶكٸلدەرٸ مەن اتا-انالارى تاراپىنان شاعىم تٷسپەۋٸنە جەنە قىلمىس قۇرامىنىڭ بولماۋىنا بايلانىستى ٸس توقتاتىلدى.
قابىلدانعان شەشٸممەن پروكۋراتۋرا كەلٸسكەن جوق. ك-عا قاتىستى قىلمىستىق ٸستٸ توقتاتۋ تۋرالى شەشٸمنٸڭ كٷشٸ جويىلىپ, سوتقا قايتا جولداندى.
ورال قالالىق سوتىنىڭ ٷكٸمٸمەن بۇرىنعى مۇعالٸم قر قك 140-بابى 2-بٶلٸگٸنە (كەمەلەتكە تولماعان ادامعا قاتىگەزدٸك تانىتىپ, ونى تەربيەلەۋ جٶنiندەگi مiندەتتەردi ورىنداماۋ نەمەسە تيٸسٸنشە ورىنداماۋ) سەيكەس ايىپتى دەپ تانىلىپ, ول 80 ساعات كٶلەمٸندە قوعامدىق جۇمىسقا تارتىلدى.
سوت ٷكٸمٸ زاڭدى كٷشٸنە ەنگەن جوق.
