Oralda modýldik juqpaly aýrýlar aýrýhanasyn qarasha aiynda salyp bitirý kózdelgen, dep habarlaidy "Ult aqparat".
Oblystyq densaýlyq saqtaý basqarmasy basshysynyń orynbasary Darhan Hairýshevtiń málim etkendei, Úkimet bastamasymen barlyq óńirde modýldik aýrýhanalar salynyp jatyr.
Oralda maýsym aiynda bastalǵan qurylys nysanynda qazirgi tańda jalpy jumystar 50 paiyzǵa oryndalǵan.
Aýrýhana qurylysynyń quny 7,2 mlrd teńgeni qurasa, sonyń 4,2 mlrd teńgesi bólingen.
Joba merdigeri – BI-group kompaniiasy.
Modýldik aýrýhana 8 bólikten turady. Sonyń tórteýi – metall konstrýktsiialary, jartysy – «Modeks» modýldik bloktary. Kúni búgin metall konstrýktsiialary ornalastyrylsa, «Modeks» bloktaryn montajdaý bastaldy.
Sonymen qatar aýa raiynyń buzylyp ketý múmkindigin eskere otyryp, aýmaqty abattandyrý jumystary qosa júrip jatyr. Jihazdar da ázirlengen, olar ýaqytsha qoimada saqtalýda.
