ورالدا مودۋلدٸك جۇقپالى اۋرۋلار اۋرۋحاناسىن قاراشا ايىندا سالىپ بٸتٸرۋ كٶزدەلگەن, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى دارحان حايرۋشەۆتٸڭ مەلٸم ەتكەندەي, ٷكٸمەت باستاماسىمەن بارلىق ٶڭٸردە مودۋلدٸك اۋرۋحانالار سالىنىپ جاتىر.
ورالدا ماۋسىم ايىندا باستالعان قۇرىلىس نىسانىندا قازٸرگٸ تاڭدا جالپى جۇمىستار 50 پايىزعا ورىندالعان.
اۋرۋحانا قۇرىلىسىنىڭ قۇنى 7,2 ملرد تەڭگەنٸ قۇراسا, سونىڭ 4,2 ملرد تەڭگەسٸ بٶلٸنگەن.
جوبا مەردٸگەرٸ – BI-group كومپانيياسى.
مودۋلدٸك اۋرۋحانا 8 بٶلٸكتەن تۇرادى. سونىڭ تٶرتەۋٸ – مەتالل كونسترۋكتسييالارى, جارتىسى – «مودەكس» مودۋلدٸك بلوكتارى. كٷنٸ بٷگٸن مەتالل كونسترۋكتسييالارى ورنالاستىرىلسا, «مودەكس» بلوكتارىن مونتاجداۋ باستالدى.
سونىمەن قاتار اۋا رايىنىڭ بۇزىلىپ كەتۋ مٷمكٸندٸگٸن ەسكەرە وتىرىپ, اۋماقتى اباتتاندىرۋ جۇمىستارى قوسا جٷرٸپ جاتىر. جيھازدار دا ەزٸرلەنگەن, ولار ۋاقىتشا قويمادا ساقتالۋدا.
