Oralda qyzdardyń máiitin aýystyryp jibergender jaýapqa tartyldy, dep habarlaidy "Ult aqparat".
BQO ádilet departamentiniń basshysy Amanjol Ábdirahmanovtyń aitýynsha, qyzdyń bireýi 13 jasar Ainas Marat oblystyq aýrýhanada qaitys bolǵan.
Onyń týysqandary BQO boiynsha sot saraptamalary institýtynyń máiithanasyna qyzdyń súiegin alýǵa kelgende, qatelik jiberilgen. Sol kezde máiithanada Oralda kólik qaǵyp ketip, qaza tapqan 10 jasar Aiarý Ermektiń múrdesi bolǵan. Sanitar shatastyryp, sonyń súiegin berip jibergen.
«Osy oqiǵa boiynsha qyzmettik tekserý júrgizildi. Sonyń qorytyndysyna sáikes BQO boiynsha sot saraptamalary institýtynyń direktory Oljas Dúisenbaevqa qatań sógis berildi. Al súiekti shatastyryp berip jibergen sanitar Mádi Sariev qyzmetinen bosatyldy. Eki qyzdyń týma-týysqandaryna kóńil aita otyryp, keshirim suraimyn», dedi A.Ábdirahmanov.
Eske sala keteiik, budan buryn Oralda máiithanada 10 jasar qyzdyń súiegin shatastyryp, basqa bireýlerge berip jibergenin jazǵan bolatynbyz. Al, Aiarý Ermek búgin jer qoinyna berildi.
Oralda qyzdy kólik qaqqan tusta jaryqtandyrý sharalary qolǵa alyndy.
