Oralda kásipker qaza tapqan oqiǵa ornynan video jariialandy, - dep habarlaidy Massaget.kz portaly "Moi GOROD" basylymyna silteme jasap.
Qaladaǵy Petr Atoian atyndaǵy stadionnyń turaǵynda er adam qaza tapty. Keiin belgili bolǵandai, ol - 49 jastaǵy kásipker. Belgisiz er adam oǵan birneshe jerden pyshaq jaraqatyn salǵan. Kásipker oqiǵa ornynda kóz jumdy.
Politseiler kúdiktiniń jeke basy anyqtalyp, ony ustaý boiynsha jedel izdestirý sharalary júrgizilip jatqanyn habarlaǵan.
Al Jelide "Rahat-Lýkým" dámhanasynyń ústine ornatylǵan baqylaý kameralarynyń videosy tarap jatyr. Beinejazbada eki er adam júgirip kele jatqanyn, biriniń qoly qanǵa malynǵanyn baiqaýǵa bolady.
7 tamyz tańerteńgi málimet boiynsha, kúdikti áli ustalǵan joq. Qalada politseilerdiń patrýldik qyzmeti kúsheitilip, Oralǵa kirgen jáne shyqqan kólikter tekserilip jatyr.
