Foto: mgorod.kz
Qaiǵyly oqiǵa 25 sáýirde saǵat 21:00 shamasynda Oral qalasyndaǵy Isatai-Mahambet kóshesinde bolǵan. Aldyn ala málimet boiynsha, qalalyq mádeniet jáne demalys saiabaǵy mańynda ornalasqan garajda jarylys bolyp, oqiǵa ornynan úsh adamnyń máiiti tabylǵan, - dep habarlaidy Massaget.kz saity "Moi gorod" portalyna silteme jasap.
Órt saldarynan Isatai-Mahambet kóshesiniń boiyndaǵy Abai dańǵylynan Yqsanov kóshesine deiingi aralyqta kólik qozǵalysyn jabýǵa týra kelgen.
Batys Qazaqstan oblysy tótenshe jaǵdailar departamentiniń baspasóz qyzmeti taratqan málimetke qaraǵanda, 30 sharshy metr aýmaqtaǵy garaj janyp, ishinde "VAZ-2121" órtengen. Keiinirek órt 42 sharshy metrlik jeke turǵyn úidiń shatyryna jaiylǵan. Órt sóndirýshiler garajdan úsh máiitti taýyp, tórt ottegi ballonyn shyǵarǵan.
Órt 21:31-de aýyzdyqtalyp, 22:02-de tolyǵymen óshirilgen. Órttiń shyǵý sebepteri men shyǵyny anyqtalyp jatyr. Oqiǵa ornynda Batys Qazaqstan oblysy tótenshe jaǵdailar departamentiniń 23 qyzmetkeri men 7 tehnika jumys istegen.
