Oralda Frankfýrttan ushyp kelgen ushaqtyń 60-tan astam jolaýshysy evakýatsiialandy, dep habarlaidy QazAqparat.
Oqiǵa kýágeri málim etkenindei, 17 qarasha kúni saǵat 23.00 shamasynda jarylǵysh zat qoiyldy degen habar túskennen áýejaida ábiger bastalǵan.
BQO politsiia departamentiniń baspasóz qyzmeti jalǵan qońyraý shalynbaǵanyn, osy merzimde, iaǵni 17 qarasha kúni saǵat 22.00-de áýejai aýmaǵynda jospardan tys terrorizmge qarsy jedel-taktikalyq oqý-jattyǵý júrgizilgenin jetkizdi.
«Osyǵan bailanysty áýejai aýmaǵynda arnaiy, quqyq qorǵaý jáne basqa múddeli memlekettik organdar qyzmetkerleriniń qatysýymen terroristik qaýip kezindegi is-qimyl algoritmi pysyqtaldy. Shartty ańyz boiynsha Franfýrt-Oral ushaǵymen kelgen 8 ekipaj múshesi men 63 jolaýshy evakýatsiialandy. Bul rette azamattar qaýipsizdik sharalarymen qamtamasyz etildi», dep habarlady vedomstvodan.
