Oralda "Batys sý arnasy" mekemesiniń eki jumysshysy qaza tapty, - dep habarlaidy Tengrinews.kz agenttigi.
Telearna málimetinshe, olar kanalizatsiia nasos stantsiiasyn jóndep jatqanda apat bolyp, diametri bir metrlik káriz qubyrynan atqylaǵan sýǵa tunshyǵyp qalǵan. 40 jáne 51 jastaǵy eki er adamdy qutqarý múmkin bolmady.
"Jedel járdem shaqyrdyq. Káriz qubyrynan aqqan las sýdy bir jutqan adam sanaýly sekýndta tunshyǵyp qalady. Bireýin ózimiz shyǵardyq, biraq aman alyp qala almadyq. Al ekinshi jumysshy buranda ashylyp ketkende soqqy aldy ma, ol jaǵyn bilmeimin. Jabylyp júrip shyǵara almadyq", - deidi "Batys sý arnasy" JShS bas direktory Ánýar Arkenov.
Qudyqta qalǵan ekinshi jumysshynyń denesin qutqarýshylar alyp shyqqan. Apat tańerteń bolǵan. Qalanyń sý arnasy oraldyqtarǵa káriz qubyry jarylǵanyn habarlap, sýdy toqtatyp tastaǵan. Jóndeý brigadasy ekinshi nasos stantsiiasyna baryp iske kirisedi. Eki jumysshy kollektorǵa qubyrlardyń baǵytyn ózgertip jalǵaý úshin jer astyna túsedi. Osy kezde qudyqqa las sý aǵylyp tolyp qalǵan. Eki jumysshy káriz sýyna batyp ketedi. Buranda qalaisha jyljyp ketti, qaýipsizdik sharasy saqtaldy ma, ázirge ony eshkim bilmeidi. Qazir oqiǵa ornynda eńbek inspektorlary men politsiia jumys istep jatyr.
"1971 jáne 1982 jylǵy azamattar jóndeý júrgizip jatqan kezde apatty jaǵdai oryn alyp, oqiǵa ornynda kóz jumdy. Atalǵan derek boiynsha QR QK 156-babynyń 4-bóligi, sotaldy tergeý bastaldy", - deidi BQO PD baspasóz qyzmetiniń jetekshi mamany Lýnara Amanǵalieva.
