Foto; BQO politsiia departamenti
Oralda eki avtokólik soqtyǵysyp, saldarynan 8 jasar bala zardap shekti, dep habarlaidy QazAqparat.
BQO politsiia departamentiniń baspasóz qyzmetinen málim etkenindei, oqiǵa 25 mamyrda N.Ábdirov pen Ianvartsev kósheleriniń qiylysynda bolǵan.
«Saǵat 08.10-da 20 jastaǵy júrgizýshi «Reno Logan» avtokóligimen jol qozǵalysy qaýipsizdigin qamtamasyz etpegen. Sóitip 40 jastaǵy júrgizýshi aidap kele jatqan «Priora» avtokóligine túiisken. Sodan «Reno Logan» jaryq baǵanyna, «Priora» avtokóligi turǵyn úige baryp soǵylǵan. Jol apaty saldarynan «Priora» avtokóliginiń júrgizýshisi men «Reno Loganda» otyrǵan 8 jasar bala aýrýhanaǵa jetkizildi. Atalǵan derek boiynsha «Reno Logan» avtokóliginiń júrgizýshisine qatysty QR Ákimshilik quqyqbuzýshylyq týraly kodeksiniń 610-babyna sáikes hattama toltyryldy», dep habarlady vedomstvodan.
BQO densaýlyq saqtaý basqarmasy baspasóz qyzmetininiń naqtylaýynsha, jedel járdem kóligimen qalalyq kópbeiindi aýrýhanaǵa jetkizilgen 1983 jylǵy er adam iek tusynyń jáne erniniń joǵary bóliginen, keýdesinen jaraqat alǵan. Qajetti kómek kórsetilip, ambýlatorlyq em taǵaiyndalyp, úiine jiberildi.
Al 2014 jylǵy bala oblystyq kópbeiindi balalar aýrýhanasyna jatqyzyldy. Bas súieginen, mańdai tusynan jaraqat alyp, miy shaiqalǵan. Qazirgi kezde jaǵdaiy ortasha aýyr.
