Foto: mgorod.kz
Oralda eki jolaýshylar avtobýsy soqtyǵysyp qaldy, - dep habarlaidy Tengrinews.kz agenttigi "Moi gorod"basylymyna silteme jasap.
Oqiǵa 30 shildede saǵat 11:00 shamasynda Dáýletkerei men Muhit kósheleri qiylysynda bolǵan. Jol qiylysynda №39 jáne №30D eki jolaýshylar avtobýsy soqtyǵysty. Oqiǵa naqty qalai bolǵany belgisiz, avtobýstardyń biri soqtyǵysý saldarynan qulap, jaiaý júrginshiler ótkeline toqtaǵan Toyota Camry kóligin basyp qalǵan. Jolaýshylar avtobýstan aldyńǵy terezesi arqyly shyǵýǵa májbúr bolǵan. Oqiǵa ornyna úsh jedel járdem keldi.
"Soqtyǵys kezinde jolaýshylar otyrǵan, avtobýs ishinde túregep turǵandar bolmady. Bala bolǵan, jaraqat almaǵan siiaqty. Árine, bárimiz qorqyp kettik. Dúrbeleń boldy. Jas jigitter dereý júgirip kelip, adamdardy aldyńǵy tereze arqyly shyǵarýǵa kómektesti", - dedi áiel.
Politseiler oqiǵanyń mán-jaiyn anyqtap jatyr. Politsiia departamenti men Densaýlyq saqtaý basqarmasynyń baspasóz qyzmetteri keiinirek tolyq aqparat berýge ýáde etti.
