Oralda bir úidiń eki balasy besinshi qabat terezesinen qulap ketti, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, oqiǵa 19 tamyz kúni M.Júnisov kóshesindegi bes qabatty úide boldy.
Jergilikti saǵat 17.11-de ata-anasynyń qaraýynsyz qalǵan 6 jáne 3 jastaǵy aǵaiyndy eki ul bala 5-qabat terezinen qulap ketip, aýrýhanaǵa jatqyzyldy.
Qazirgi málimet boiynsha olar jabyq bas-mi jáne ish jaraqatyn alyp, milary shaiqalǵan.
Jaǵdailary aýyr.
Oqiǵany BQO densaýlyq saqtaý basqarmasynyń baspasóz qyzmeti de rastady.
Qazirgi kezde oqiǵanyń jai-japsary anyqtalyp jatyr.
