Oralda bazarda 2 júk tieýshi tóbelesip, bireýi jansaqtaý bólimine tústi, dep habarlaidy "Ult aqparat".
BQO politsiia departamentiniń baspasóz qyzmeti málim etkendei, oqiǵa 23 qańtar kúni ortalyq bazarda bolǵan.
Osynda júk tieýshi bolyp isteitin, buryn qylmystyq jaýapkershilikke tartylǵan 26 jastaǵy turǵyn 18 jastaǵy áriptesiniń jumys ornyna kelgen.
Sosyn jasymdy nege syilamaisyń dep tiisken. Ekeýiniń arasyndaǵy talas tóbeleske ulasyp, sonyń saldarynan 18 jastaǵy júk tieýshi jábirlenýshige dene jaraqatyn salǵan.
26 jastaǵy júk tieýshi qalalyq kópbeiindi aýrýhananyń jansaqtaý bólimine jatqyzylsa, ekinshisi ýaqytsha oqshaýlaý izoliatoryna qamaldy.
Qazirgi kezde QR QK 24-99-babyna (adam óltirýge oqtalý) sáikes Abai politsiia bólimi sotqa deiingi tergeý amaldaryn júrgizýde.
Departament bastyǵy, politsiia general-maiory Maqsuthan Ablazimovtiń naqtylaýynsha, kúdikti jábirlenýshiniń keýde tusyna pyshaq suqqan.
Ótken aptada oblysta 22 aýyr qylmys jasalsa, sonyń 22-si (91,7 paiyzy) izi sýymai ashyldy. Tek QR QK 188-babyna (urlyq) sáikes tirkelgen eki derek ashylǵan joq.
Al jyl basynan beri oblysta barlyǵy 403 qylmys (ótken jyly osy merzimde – 488) oryn alsa, sonyń 259-y nemese 64,2 paiyzy ashyldy.
Sonyń ishinde 3 asa aýyr qylmys (ótken jyly – 7) túgeldei áshkerelendi.
Sondai-aq biyl 65 aýyr qylmystyń 44-i nemese 67,7 paiyzy (ótken jyly osy merzimde 75 qylmystyń 28-i nemese 37,3 paiyzy) ashyldy.
