Oralda áiel óz úiinen óli tabyldy, dep habarlaidy "Ult aqparat" "Moi gorod" portalyna silteme jasap.
BQO politsiia departamenti istiń 99-bap "Kisi óltirý" boiynsha tergelip jatqanyn habarlady. Basqa málimetter jariialanbaǵan.
Portal jýrnalisteri qaitys bolǵan áieldiń kórshilerimen sóilese aldy. Marqum ómir boiy bastaýysh synyp muǵalimi bolyp jumys istegeni belgili boldy. Kórshileriniń aitýynsha, ol meiirimdi, jaýapty jáne janashyr adam bolǵan.
Qalalyq bilim bólimi marqumnyń uqypty jáne jaýapty muǵalim bolǵanyn habarlady. Muǵalimniń jalpy jumys ótili-40 jyl, onyń ishinde 35 jyl bir mektepte jumys istegen.
Nadejda Nikitina jumys istegen №9 mekteptiń qyzmetkerleri kóńil aitý úshin áleýmettik jelide habarlama jariialady:
"25 sáýirde bizdiń mektepte jumys istegen bastaýysh synyp muǵalimi Nikitina Nadejda Vladimirovna mezgilsiz qaitys boldy. Jumys barysynda Nadejda Vladimirovna birneshe urpaqty tárbieledi, óz isiniń mamany, júzdegen ul men qyzǵa súiikti muǵalim boldy. Ony tanyǵan barlyq adam úshin orny tolmas qaiǵy. Mektep ujymy týystary men jaqyndaryna kóńil aitady, qaiǵylaryńyzǵa ortaqpyz", - dep jazdy qyzmetkerler.
