Oralda joǵalyp ketken eki bala izdestirilip jatyr, dep habarlaidy QazAqparat.
BQO politsiia departamenti baspasóz qyzmetinen túsken málimetke qaraǵanda, oqiǵa Zachagan kentindegi otbasylyq úlgidegi balalar aýylynda bolǵan.
«10 qyrkúiek kúni shamamen saǵat 11.30-da 2007 jylǵy Maksim Fedýllev pen 2013 jylǵy Nikolai Harchenko belgisiz baǵytta shyǵyp, joǵalyp ketken. Erekshe belgileri: M.Fedýllev aryqsha kelgen, boiy 160-165 sm, shashy qara, qoi kózdi. N.Harchenko da aryqsha kelgen, boiy 145-150 sm, shashy ashyq-sary, qysqa, qoi kózdi. Olardy kórgen adamdar bolsa, 8-777-184-04-90 nemese 102 telefonyna habarlasa alady. Qazirgi kezde izdestirý jumystaryna barlyq jeke quram jumyldyryldy», - dep habarlady vedomstvodan.
Jasóspirimniń ekeýi de 20-mektepte oqidy.
