ورالدا بالالار ٷيٸنەن قاشقان ەكٸ جەتكٸنشەك ٸزدەستٸرٸلٸپ جاتىر

ورالدا جوعالىپ كەتكەن ەكٸ بالا ٸزدەستٸرٸلٸپ جاتىر, دەپ حابارلايدى قازاقپارات.

بقو پوليتسييا دەپارتامەنتٸ باسپاسٶز قىزمەتٸنەن تٷسكەن مەلٸمەتكە قاراعاندا, وقيعا زاچاگان كەنتٸندەگٸ وتباسىلىق ٷلگٸدەگٸ بالالار اۋىلىندا بولعان. 

«10 قىركٷيەك كٷنٸ شامامەن ساعات 11.30-دا 2007 جىلعى ماكسيم فەدۋللەۆ پەن 2013 جىلعى نيكولاي حارچەنكو بەلگٸسٸز باعىتتا شىعىپ, جوعالىپ كەتكەن. ەرەكشە بەلگٸلەرٸ: م.فەدۋللەۆ ارىقشا كەلگەن, بويى 160-165 سم, شاشى قارا, قوي كٶزدٸ. ن.حارچەنكو دا ارىقشا كەلگەن, بويى 145-150 سم, شاشى اشىق-سارى, قىسقا, قوي كٶزدٸ. ولاردى كٶرگەن ادامدار بولسا, 8-777-184-04-90 نەمەسە 102 تەلەفونىنا حابارلاسا الادى. قازٸرگٸ كەزدە ٸزدەستٸرۋ جۇمىستارىنا بارلىق جەكە قۇرام جۇمىلدىرىلدى», - دەپ حابارلادى ۆەدومستۆودان.

جاسٶسپٸرٸمنٸڭ ەكەۋٸ دە 20-مەكتەپتە وقيدى.