Oralda jataqhana turǵyndary zárge toly plastik bótelkelerdi terezeden laqtyryp júr. Úidiń artynda úiilip jatqan qutylardy ózderi "limonad" dep ataidy. Búginde bul jataqhana búkil qalaǵa tanylyp úlgerdi, dep habarlady Sputnik "Moi gorod" portalyna silteme jasaap.
Hamid Chýrin, 119 mekenjaiy boiynsha ornalasqan kópqabatty jataqhananyń mańaiynda kúl-qoqys úiilip qalǵan. Odan bólek, úidiń ainalasynda sary suiyqtyq quiylǵan plastik bótelkeler shashylyp jatyr. Jataqhana turǵyndary ony "limonad" dep ataidy. Biraq iisi limonadqa múldem uqsamaidy. Kórshi úidiń turǵyndary bárin fotoǵa túsirip, áleýmettik jelilerge sala bastady.
"Osy jataqhananyń turǵyndaryn kúshtep senbilikke shyǵarý qajet. Ómir boiy osylai. Bolmasa, jataqhanany turǵyndarymen birge qalanyń qoqys tastaityn alańyna kóshirip jiberý kerek. Sol jerde tursyn", - deidi kórshiler.
Úidiń problemasyn ákimdiktegiler de biledi eken. Qalada ondai birneshe úi bar kórinedi. Ákim orynbasary Miras Mýlkaidyń aitýynsha, Hamid Chýrin, 119 jataqhanasynyń turǵyndarymen birneshe ret kezdesý uiymdastyryldy. Barlyǵyn tazalyqqa úndegen. PIK-ke kirip, ortaq iske atsalysýǵa usynys jasalypty. Biraq eshkim niet bildirmegen.
"Ol jataqhanada terezeden "limonad" ushady. Qys aiaqtalǵannan keiin problema bastalady. Úidiń janynda politsiia pýnkti bar. Tártip saqshylary tártip buzǵandardy jaýapqa tartady. Búginde osy úidiń turǵyndary kommýnaldyq qyzmetter úshin 5 million teńge qaryz bolyp qalǵan", - deidi Mýlkai.
Ákimdik kommýnaldyq qyzmetter úidiń ainalasyn jinaitynyn atap ótti. Sondai-aq turǵyndardy senbilikke shyǵýǵa shaqyrdy.
