ورالدا جاتاقحانا تۇرعىندارى زەرگە تولى پلاستيك بٶتەلكەلەردٸ تەرەزەدەن لاقتىرىپ جٷر. ٷيدٸڭ ارتىندا ٷيٸلٸپ جاتقان قۇتىلاردى ٶزدەرٸ "ليموناد" دەپ اتايدى. بٷگٸندە بۇل جاتاقحانا بٷكٸل قالاعا تانىلىپ ٷلگەردٸ, دەپ حابارلادى Sputnik "موي گورود" پورتالىنا سٸلتەمە جاسااپ.
حاميد چۋرين, 119 مەكەنجايى بويىنشا ورنالاسقان كٶپقاباتتى جاتاقحانانىڭ ماڭايىندا كٷل-قوقىس ٷيٸلٸپ قالعان. ودان بٶلەك, ٷيدٸڭ اينالاسىندا سارى سۇيىقتىق قۇيىلعان پلاستيك بٶتەلكەلەر شاشىلىپ جاتىر. جاتاقحانا تۇرعىندارى ونى "ليموناد" دەپ اتايدى. بٸراق يٸسٸ ليمونادقا مٷلدەم ۇقسامايدى. كٶرشٸ ٷيدٸڭ تۇرعىندارى بەرٸن فوتوعا تٷسٸرٸپ, ەلەۋمەتتٸك جەلٸلەرگە سالا باستادى.
"وسى جاتاقحانانىڭ تۇرعىندارىن كٷشتەپ سەنبٸلٸككە شىعارۋ قاجەت. ٶمٸر بويى وسىلاي. بولماسا, جاتاقحانانى تۇرعىندارىمەن بٸرگە قالانىڭ قوقىس تاستايتىن الاڭىنا كٶشٸرٸپ جٸبەرۋ كەرەك. سول جەردە تۇرسىن", - دەيدٸ كٶرشٸلەر.
ٷيدٸڭ پروبلەماسىن ەكٸمدٸكتەگٸلەر دە بٸلەدٸ ەكەن. قالادا ونداي بٸرنەشە ٷي بار كٶرٸنەدٸ. ەكٸم ورىنباسارى ميراس مۋلكايدىڭ ايتۋىنشا, حاميد چۋرين, 119 جاتاقحاناسىنىڭ تۇرعىندارىمەن بٸرنەشە رەت كەزدەسۋ ۇيىمداستىرىلدى. بارلىعىن تازالىققا ٷندەگەن. پيك-كە كٸرٸپ, ورتاق ٸسكە اتسالىسۋعا ۇسىنىس جاسالىپتى. بٸراق ەشكٸم نيەت بٸلدٸرمەگەن.
"ول جاتاقحانادا تەرەزەدەن "ليموناد" ۇشادى. قىس اياقتالعاننان كەيٸن پروبلەما باستالادى. ٷيدٸڭ جانىندا پوليتسييا پۋنكتٸ بار. تەرتٸپ ساقشىلارى تەرتٸپ بۇزعانداردى جاۋاپقا تارتادى. بٷگٸندە وسى ٷيدٸڭ تۇرعىندارى كوممۋنالدىق قىزمەتتەر ٷشٸن 5 ميلليون تەڭگە قارىز بولىپ قالعان", - دەيدٸ مۋلكاي.
ەكٸمدٸك كوممۋنالدىق قىزمەتتەر ٷيدٸڭ اينالاسىن جينايتىنىن اتاپ ٶتتٸ. سونداي-اق تۇرعىنداردى سەنبٸلٸككە شىعۋعا شاقىردى.
