Oral qalasynda avtobýs pen jeńil kólik soqtyǵysyp, 18 jastaǵy júrgizýshi qaza tapty, dep habarlaidy QazAqparat.
BQO politsiia departamentiniń baspasóz qyzmetinen málim etkenindei, oqiǵa 8 maýsym kúni saǵat 18.35-te boldy.
Jáńgir han kóshesinde №7 baǵytta júretin avtobýs pen «Lada Kalina» avtokóligi túiisti.
Sonyń saldarynan jeńil kóliktiń 18 jastaǵy júrgizýshisi oqiǵa ornynda kóz jumdy. Atalǵan derek boiynsha QR QK 345-baby 3-bóligine sáikes sotqa deiingi tergeý amaldary bastaldy.
BQO densaýlyq saqtaý basqarmasynyń baspasóz qyzmetinen naqtylaǵanyndai, jedel járdem saǵat 18.48-de shaqyryldy. Oqiǵa ornynda jas jigit mert boldy.
BQO TJ departamenti baspasóz qyzmetiniń tolyqtyrýynsha, oqiǵa ornyna qutqarýshylar da bardy. Olar jeńil avtokólikte qystyrylyp qalǵan marqum júrgizýshiniń múrdesin shyǵardy.
