ورال قالاسىندا اۆتوبۋس پەن جەڭٸل كٶلٸك سوقتىعىسىپ, 18 جاستاعى جٷرگٸزۋشٸ قازا تاپتى, دەپ حابارلايدى قازاقپارات.
بقو پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتكەنٸندەي, وقيعا 8 ماۋسىم كٷنٸ ساعات 18.35-تە بولدى.
جەڭگٸر حان كٶشەسٸندە №7 باعىتتا جٷرەتٸن اۆتوبۋس پەن «لادا كالينا» اۆتوكٶلٸگٸ تٷيٸستٸ.
سونىڭ سالدارىنان جەڭٸل كٶلٸكتٸڭ 18 جاستاعى جٷرگٸزۋشٸسٸ وقيعا ورنىندا كٶز جۇمدى. اتالعان دەرەك بويىنشا قر قك 345-بابى 3-بٶلٸگٸنە سەيكەس سوتقا دەيٸنگٸ تەرگەۋ امالدارى باستالدى.
بقو دەنساۋلىق ساقتاۋ باسقارماسىنىڭ باسپاسٶز قىزمەتٸنەن ناقتىلاعانىنداي, جەدەل جەردەم ساعات 18.48-دە شاقىرىلدى. وقيعا ورنىندا جاس جٸگٸت مەرت بولدى.
بقو تج دەپارتامەنتٸ باسپاسٶز قىزمەتٸنٸڭ تولىقتىرۋىنشا, وقيعا ورنىنا قۇتقارۋشىلار دا باردى. ولار جەڭٸل اۆتوكٶلٸكتە قىستىرىلىپ قالعان مارقۇم جٷرگٸزۋشٸنٸڭ مٷردەسٸن شىعاردى.
