Oralda asa iri kólemde esirtki tasymaldaǵan 19 jastaǵy qyz ustaldy, dep habarlaidy QazAqparat.
BQO politsiia departamentiniń baspasóz qyzmeti málim etkenindei, odan quramynda esirtki bar preparattar tárkilendi.
Qazirgi kezde tergeý oblys aýmaǵyna sintetikalyq esirtkilerdi jetkizý arnalaryn anyqtaý ústinde.
«Esirtkini zańsyz taratý deregi boiynsha 2003 jylǵy qyz qolǵa tústi. Tintý is-sharalary kezinde ustalǵan kúdiktiniń ornynan jalpy salmaǵy 4,37 gramm 6 paketke jáne salmaǵy 26,92 gramm 40 paketke salynǵan zattar alyndy. Sarapshy qorytyndysyna sáikes bul sintetikalyq esirtki – mefedron bolyp shyqty. Alynǵan zattar mólsheri asa iri kólemde retinde aiqyndaldy. Osy derek boiynsha QR QK 297-baby 1-bóligine (esirtki zattaryn zańsyz satyp alý, saqtaý, ótkizý maqsatynda tasymaldaý) sáikes sotqa deiingi tergeý amaldary júrgizilýde. Bul bap boiynsha aiypty dep tanylǵan adam múlki tárkilenip, 5 jyldan 10 jylǵa deiingi merzimge bas bostandyǵynan aiyrylady», dep habarlady vedomstvodan.
