ورالدا اسا ٸرٸ كٶلەمدە ەسٸرتكٸ تاسىمالداعان 19 جاستاعى قىز ۇستالدى, دەپ حابارلايدى قازاقپارات.
بقو پوليتسييا دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, ودان قۇرامىندا ەسٸرتكٸ بار پرەپاراتتار تەركٸلەندٸ.
قازٸرگٸ كەزدە تەرگەۋ وبلىس اۋماعىنا سينتەتيكالىق ەسٸرتكٸلەردٸ جەتكٸزۋ ارنالارىن انىقتاۋ ٷستٸندە.
«ەسٸرتكٸنٸ زاڭسىز تاراتۋ دەرەگٸ بويىنشا 2003 جىلعى قىز قولعا تٷستٸ. تٸنتۋ ٸس-شارالارى كەزٸندە ۇستالعان كٷدٸكتٸنٸڭ ورنىنان جالپى سالماعى 4,37 گرامم 6 پاكەتكە جەنە سالماعى 26,92 گرامم 40 پاكەتكە سالىنعان زاتتار الىندى. ساراپشى قورىتىندىسىنا سەيكەس بۇل سينتەتيكالىق ەسٸرتكٸ – مەفەدرون بولىپ شىقتى. الىنعان زاتتار مٶلشەرٸ اسا ٸرٸ كٶلەمدە رەتٸندە ايقىندالدى. وسى دەرەك بويىنشا قر قك 297-بابى 1-بٶلٸگٸنە (ەسٸرتكٸ زاتتارىن زاڭسىز ساتىپ الۋ, ساقتاۋ, ٶتكٸزۋ ماقساتىندا تاسىمالداۋ) سەيكەس سوتقا دەيٸنگٸ تەرگەۋ امالدارى جٷرگٸزٸلۋدە. بۇل باپ بويىنشا ايىپتى دەپ تانىلعان ادام مٷلكٸ تەركٸلەنٸپ, 5 جىلدان 10 جىلعا دەيٸنگٸ مەرزٸمگە باس بوستاندىعىنان ايىرىلادى», دەپ حابارلادى ۆەدومستۆودان.
