Oral politseileri túngi klýb mańynda er adamdy qaǵyp ketken áielge qatysty qylmystyq qýdalaýdy toqtatty. Jábirlenýshi apattan bes kúnnen keiin qaitys bolǵan edi. Quqyq qorǵaý organdary is Qazaqstan Táýelsizdiginiń 30 jyldyǵyna orai jariialanǵan raqymshylyqqa bailanysty toqtatylǵanyn aitty, - dep habarlaidy Tengrinews.kz tilshisi.
Marqum 29 jastaǵy Qairat Aisarievtiń týystary bul sheshim ádiletsiz dep sanaidy. Malika materialdyq jáne moraldyq shyǵyn úshin ótemaqy talap etetinin aitty.
"Politsiia raqymshylyqqa bailanysty is toqtatyldy dep habarlady. Biz buǵan kelispeimiz. Raqymshylyq qylmysy úshin sottalǵan adamdarǵa qoldanylýy kerek dep esepteimin. Al bizdiń iste tipti sot ta ótpegen", - dedi marqumnyń ápkesi Malika.
Politsiia departamenti sotaldy tergep-tekserý Qylmystyq kodekstiń 345-baby 3-bóligi "Abaisyzda adam ólimine ákep soqqan kólik quraldaryn basqaratyn adamdardyń jol qozǵalysy nemese kólik quraldaryn paidalaný erejelerin buzýy" boiynsha júrgizilgenin aitty.
"Oqiǵa Mercedes júrgizýshisi solǵa burylyp artqa manevr jasap jatqan kezde bolǵan. Sol kezde jábirlenýshi kóliktiń janynda sol jaǵynda turǵan. Nátijesinde, kólik er adamdy qaǵyp ketken. Ol qulap, basyn soqqan. Zardap shegýshi bassúiek-mi jaraqatyn alǵan jáne oń aiaǵy synǵan. Júrgizýshide mastyq belgileri joq. Sotaldy tergep-tekserý organy raqymshylyq jasaý aktisine bailanysty Qylmystyq is júrgizý kodeksiniń talaptaryna sáikes qylmystyq is toqtatyldy, sebebi bul derek sanaty "aýyr emes" qylmysqa jatqyzyldy", - dedi BQO PD baspasóz qyzmeti ókilderi.
Aita keteiik, 2021 jyldyń 23 qazanynda 29 jastaǵy Qairat Aisarievti 29 jastaǵy áiel kólik turaǵynan shyǵyp bara jatqana qaǵyp ketken. Kólik er adamnyń aiaǵyn basyp ótip, ol qulaǵanda asfaltqa basyn soqqan.
