Oralda qala ishinde salyna bastaǵan tergeý izoliatory aiaqsyz qaldy. Búgin Ortalyq kommýnikatsiialar qyzmetinde ótken baspasóz máslihatynda BQO ákimi Ǵali Esqaliev atalǵan máselege túsinik berdi, dep habarlaidy QazAqparat.
Oral qalasynda tergeý izoliatorynyń qurylysy 2 jyl buryn bastalǵan. Keiin qurylysy aiaqtalmaǵan nysan ákimdik balansyna ótti.
«Iá, atalǵan ǵimarat bizdiń balansta. Jobanyń quny – 5 mlrd teńge. Tergeý izoliatorynyń qurylysyn Ishki ister ministrligi bizdiń ótinishpen toqtatty. Sebebi ondai mekeme qalanyń ishinde bolǵany jón emes dep sanaimyz. Tergeý izoliatorynyń qala ishinde bolǵany negativke ákeletini ras. Iaǵni qurylys bastalyp, belgili zań buzýshylyqtyń saldarynan aiaqtalmaǵan. Osyǵan bailanysty qylmystyq is qozǵaldy», - dedi Esqaliev.
Onyń aitýynsha, aiaqsyz qalǵan ǵimaratty oblys ákimdiginiń balansyna berý týraly sheshim Ishki ister ministrligimen birlesip qabyldandy.
«Ol ǵimaratta meditsinalyq hab ashamyz degen jospar bolǵan. Biraq pandemiiaǵa bailanysty investor óz sheshiminen bas tartty. Qazir qurylysy bastalǵan ǵimaratty aiaqtap, belgili maqsatta qoldaný úshin investor izdep jatyrmyz», - deidi ol.
