ورالدا قالا ٸشٸندە سالىنا باستاعان تەرگەۋ يزولياتورى اياقسىز قالدى. بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا بقو ەكٸمٸ عالي ەسقاليەۆ اتالعان مەسەلەگە تٷسٸنٸك بەردٸ, دەپ حابارلايدى قازاقپارات.
ورال قالاسىندا تەرگەۋ يزولياتورىنىڭ قۇرىلىسى 2 جىل بۇرىن باستالعان. كەيٸن قۇرىلىسى اياقتالماعان نىسان ەكٸمدٸك بالانسىنا ٶتتٸ.
«يە, اتالعان عيمارات بٸزدٸڭ بالانستا. جوبانىڭ قۇنى – 5 ملرد تەڭگە. تەرگەۋ يزولياتورىنىڭ قۇرىلىسىن ٸشكٸ ٸستەر مينيسترلٸگٸ بٸزدٸڭ ٶتٸنٸشپەن توقتاتتى. سەبەبٸ ونداي مەكەمە قالانىڭ ٸشٸندە بولعانى جٶن ەمەس دەپ سانايمىز. تەرگەۋ يزولياتورىنىڭ قالا ٸشٸندە بولعانى نەگاتيۆكە ەكەلەتٸنٸ راس. ياعني قۇرىلىس باستالىپ, بەلگٸلٸ زاڭ بۇزۋشىلىقتىڭ سالدارىنان اياقتالماعان. وسىعان بايلانىستى قىلمىستىق ٸس قوزعالدى», - دەدٸ ەسقاليەۆ.
ونىڭ ايتۋىنشا, اياقسىز قالعان عيماراتتى وبلىس ەكٸمدٸگٸنٸڭ بالانسىنا بەرۋ تۋرالى شەشٸم ٸشكٸ ٸستەر مينيسترلٸگٸمەن بٸرلەسٸپ قابىلداندى.
«ول عيماراتتا مەديتسينالىق حاب اشامىز دەگەن جوسپار بولعان. بٸراق پاندەميياعا بايلانىستى ينۆەستور ٶز شەشٸمٸنەن باس تارتتى. قازٸر قۇرىلىسى باستالعان عيماراتتى اياقتاپ, بەلگٸلٸ ماقساتتا قولدانۋ ٷشٸن ينۆەستور ٸزدەپ جاتىرمىز», - دەيدٸ ول.
