Oral qalasynda 32 myńǵa jýyq oqýshy qashyqtan bilim alýda, dep habarlaidy "Ult aqparat".
Qala ákimi Abat Shynybekovtiń aitýynsha, shaharda 51 mektepte barlyǵy 56249 shákirt oqyp jatyr.
Jyl saiyn oqýshylar sany artyp keledi. Mysaly, biyl ótken jylǵydan 2 myńǵa kóbeidi. Qalada 5 gimnaziia, 5 litsei jetkinshek urpaqty sapaly bilimmen qamtamasyz etýde.
Biylǵy oqý jylynyń jyldaǵydan ózgeshe bastalǵany belgili. Qazirgi tańda barlyq sanitarlyq talaptardy saqtai otyryp, 1662 kezekshi synypta 21151 oqýshy bilim alýda.
Ákimniń sózine qaraǵanda, úiinde oqyp jatqan 32 myńǵa jýyq shákirtter týraly aitqanda, kompiýter men internet, jaǵdaiy kótermeitin otbasylar máselesi aldyńǵy orynǵa shyǵady.
Osy oraida ótken oqý jylynyń tórtinshi toqsanynda qalalyq biýdjet arqyly 350 kompiýter alynǵan bolatyn. Jańa oqý jylyna orai QR Úkimeti rezervinen 500 noýtbýk pen 600 planshet alynyp, ata-analarǵa ýaqytsha paidalanýǵa taratyldy.
Sondai-aq jergilikti biýdjet esebinen 1118 kompiýter, 46 noýtbýk, 19 monoblok alýǵa kelisimshart jasaldy. Qazirgi tańda sonyń 866 kompiýteri, 17 noýtbýk, 12 monoblok alynyp, mektepterge qoiyldy.
«Bir jaqsy jańalyq - buǵan deiin estetikalyq baǵyttaǵy mektep gimnaziia jańa orynǵa kóshse, jýyrda Zachagan kentinde 900 oryndyq mektep ǵimaraty paidalanýǵa beriledi. Onda №38 mektep-litsei ornalaspaq. Bul, bir jaǵynan, memlekettik shyǵyndardy azaitýǵa múmkindik berse, ekinshiden, Zachagan kentinde turatyn mektep oqýshylaryna litseide bilim alýǵa jaǵdai jasalady. «Et kombinaty» shaǵynaýdanyndaǵy №33 mekteptiń eski ǵimaraty buzylyp, ornyna jańasy salynýda. Sonymen qatar oblys ákiminiń tikelei qadaǵalaýymen jeke investitsiialar esebinen №31, №52 mektepter qurylysy bastaldy. «Jumyspen qamtý jol kartasy» memlekettik baǵdarlamasy aiasynda 1,8 mlrd teńgege №21, №25 jáne №45 mektepte kúrdeli jóndeý jumystary júrgizilýde», dedi Abat Abaiuly.
