Foto: ©Turar Qazanǵapov
Oralda koloniiadaǵy jappai tóbelesten keiin túrmeniń 12 qyzmetkeri jazalandy. Sonyń ishinde bireýi jumystan shettetildi, dep habarlaidy Sputnik Qazaqstan agenttigi "Moi gorod" portalyna silteme jasap.
Túrmedegi tóbeleske qatysty qyzmettik tergeý júrgizildi. Tekseris qorytyndysy boiynsha koloniianyń 12 qyzmetkeri tártiptik jaýapkershilikke tartyldy.
"Bir adam qyzmetinen shettetildi, úsh adamǵa atqaryp otyrǵan qyzmetine tolyq sai emestigi týraly eskertý jasaldy. Taǵy tórteýine qatań sógis jariialandy, úsheýi sógis aldy jáne bireýine eskertý jasaldy", - dep málimdedi BQO QAJD baspasóz qyzmeti.
Eske salsaq, 10 mamyrda tańǵy saǵat bestiń shamasynda qaýipsizdigi ortasha RÝ-170/2 mekemesinde sottalǵandar arasynda jappai tóbeles boldy. Saldarynan on adam jaraqat aldy. Oblystyq QAJD aqparatynsha, sottalǵandar kiim ilgishtiń metall elementterin paidalanǵan, pyshaq pen úshkir zattar tabylǵan joq.
Politsiia Qylmystyq kodekstiń 107-baby (Densaýlyqqa qasaqana aýyrlyǵy ortasha ziian keltirý) boiynsha sotqa deiingi tergeý bastady.
Aita keteri, olar urlyq, tonaý jáne densaýlyqqa ziian keltirý siiaqty qylmystar úshin jazasyn ótep jatyr.
