videodan alynǵan kadr
Oralda turǵyn úiden 4 mln teńge men altyn áshekeiler urlaǵan kúdikti ustaldy, – dep habarlaidy Polisia.kz.
IIM baspasóz qyzmetiniń málimetinshe, Oral qalasyndaǵy jer úilerdiń birinde qojaiyndarynyń joqtyǵyn paidalanǵan qaskói urlyqqa túsken. Tory joq qosalqy úi-jaidyń kishkentai terezesin syndyryp kirip, ishinen 4 mln teńge men altyn áshekeilerdi urlap áketken.
"Oraldaǵy Abai politsiia bólimshesiniń qyzmetkerleri jedel-izdestirý sharalaryn júrgizý barysynda 43 jastaǵy qala turǵynyn anyqtap ustady. Ol buryn osyndai ispen qylmystyq jaýapkershilikke tartylǵan. Múlik ishinara tárkilendi, keibir zattardy arzan baǵamen satyp úlgergen.
Qazirgi ýaqytta QR QK-niń 188-baby 3-bóligine (Urlyq) sáikes, sotqa deiingi tergeý amaldary júrgizilip jatyr" - delingen habarlamada.
