Oral qalasynyń turǵyny saiajaiynda kóknár ósirgen, dep habarlaidy "Ult aqparat".
BQO politsiia departamentiniń baspasóz qyzmeti málim etkendei, «Qarasora» jedel aldyn alý is-sharasy barysynda 14 maýsym kúni saǵat 11.40-ta «Vishenka» saiajai qoǵamynda 35 jastaǵy er adam ustaldy.
Onyń saiajai ýchaskesin qaraý kezinde 116 buta kóknár tabylyp, tárkilendi. Kóknárdi turǵynnyń ósirgeni baiqalady. 3 dana shelek, quraldar, topyraqqa qosatyn arnaiy zat ta shyqty.
Sondai-aq 12 maýsym kúni saǵat 18.00-de N.Ábdirov kóshesinde ornalasqan úidiń aýlasynan 1963 jylǵy turǵynǵa tiesili 14 buta kóknár tabyldy.
Butalar BQO boiynsha sot saraptamasy institýtyna jiberildi.
Qazirgi kezde eki oqiǵa boiynsha QR QK 300-baby 1-bóligine (quramynda esirtki zattar bar, ósirýge tyiym salynǵan ósimdikterdi zańsyz egip-ósirý) sáikes sotqa deiingi tergeý amaldary júrgizilýde.
