Oralda turǵyn esirtki salynǵan paketti jutyp qoimaq bolǵan, dep habarlaidy "Ult aqparat".
BQO Politsiia departamentinen málim etkenindei, jedel izdestirý is-sharasy barysynda politsiia qyzmetkerleri «Skoda Octavia» kóligin toqtatqan. Ishinde eki er adam otyrǵan.
Politseiler kólikten shyǵýdy suraǵan ýaqytta, olardyń biri shaǵyn pakettiń ishindegi aq untaqty aýzyna tógip jiberýge tyrysqan. Biraq buǵan politseiler múmkindik bergen joq.
Aq kristaldy zattar salynǵan paketterden bólek, eki jas jigitten tirkelmegen travmatikalyq qarý tabyldy. Olardy tasymaldap bara jatqan er adam taksi júrgizýshisi bolyp shyqty.
«Kúdiktilerge qatysty QR QK 296-babyna (quramynda esirtki bar preparattardy zańsyz qoldaný) sáikes qylmystyq is qozǵaldy. Birneshe saraptama taǵaiyndaldy. Taksi júrgizýshisi avtokóligine otyrǵandardyń ne tasymaldap júrgenin bilmegen. Qazirgi tańda sotqa deiingi tergeý amaldary júrgizilýde», - dep habarlady vedomstvodan.
