Oral saiabaǵynda kútpegen jerden balalar oinap júrgen batýttyń jeli shyǵa bastaǵan. Oqiǵa oryn alǵan kezde attraktsionda 20-dan astam bala bolǵan, dep habarlaidy "Moi gorod" portaly.
Oqiǵa 9 mamyr kúni saǵat 18.00 shamasynda qalalyq mádeniet jáne demalys saiabaǵynda boldy. Balalar ishinde júrgen sátte aiaq astynan batýttyń jeli shyǵa bastaidy. Kýágerler oqiǵa ornynda túsirilgen videorolikpen bólisti.
"Batýt kishkentai emes, biik jáne kólemdi. Onyń ishinde túrli jastaǵy 20-ǵa jýyq bala boldy. Ata-analar balalardy qutqarý úshin birden attraktsionǵa júgirdi. Kishkentai balalar qorqyp, jylap jatty. Kire beristegi qyz jai ǵana bul onyń batýty ekenin aitty, tipti keshirim de suramady. Elektr qýatynyń óshirilgenin jetkizdi", - deidi Samal esimdi qala turǵyny.
Onyń aitýynsha, balalar aýyr jaraqat alǵan joq, biraq qatty qorqyp qalǵan.
Attraktsionnyń iesi aqshany qaitarǵysy da kelmedi, keiinnen qaitaryp berdi. Áńgime aqshada emes, oqiǵada ǵoi. Eger balalardyń biri aýyr jaraqat alsa nemese Qudai saqtasyn, qaitys bolyp ketse she? Sonda naǵyz qaza bolar edi. Bul attraktsiondar nege tekserilmeidi? Qosalqy generatorlar nege joq? Saiabaqqa batýt nege qoiady? Bul demalys orny emes pe, attraktsionnan aiaq alyp júre almaisyz. Balaǵa qaýipti ekenin qalai túsindirýge bolady? Jaqynda ǵana attraktsionǵa bailanysty oqiǵa bolǵan edi", - deidi áiel.
Bul arada qalalyq mádeniet jáne demalys saiabaǵynyń direktory Jasulan Sákenov bolǵan jaittan habarsyz ekenin, biraq tekseris júrgiziletinin aitty.
"Keshe demalys boldy, men keshke deiin jumysta boldym, biraq maǵan bul jaǵdai týraly aitylmady. Elektr qýaty keshe shynymen sónip qaldy, soǵan bailanysty oryn alǵan oqiǵa shyǵar. Búgin biz qyzmettik tekseris júrgizemiz", - dep atap ótti Jasulan Sákenov.
Densaýlyq saqtaý basqarmasynyń baspasóz qyzmeti eshkim meditsinalyq kómekke júginbegenin aitty.
Esterińizge sala keteiik, bul aptadaǵy ekinshi jaǵdai. 2 mamyr kúni qalalyq mádeniet jáne demalys saiabaǵynda tótenshe jaǵdai boldy. "Kaleidoskop" karýseli kenetten toqtap, kresloda otyrǵan balalar bir-birine soqtyǵysty. Segiz bala jaraqattandy.
