Oral qalasyndaǵy №3 orta mektepte oqys oqiǵaǵa qatysty jeke tergeý júrgizilip jatyr. Synyptardyń birinde kvarts shamy qosýly bolǵan, nátijesinde on oqýshy meditsinalyq mekeme kómegine júgingen. Balalardyń kózi kúiip qalǵan, - dep habarlaidy Tengrinews.kz.
№3 orta mektep direktory Liýbov Iýshinanyń aitýynsha, 4 qyrkúiekte altynshy synyp oqýshylary kvarts shamy qosýly qalǵan synypta sabaq oqyǵan. Balalar kózi ashyp, aýyrǵanyn aityp shaǵymdanǵan.
"Qazirgi ýaqytta bul oqiǵa tekserilip jatyr. Barlyq mán-jai tekseriledi. Pedagogikalyq ujymnyń, meditsina qyzmetkerleriniń, mektep direktorynyń orynbasary men mektep direktorynyń qyzmeti tekseriledi. Ókinishke qarai, bes minýt ishinde oqýshylar muǵalim nazarynan tys qalǵan. Olar úzilis kezinde shamdy ózderi qosqan bolýy múmkin", - dedi Liýbov Iýshina.
