Oralǵa jaqyn Krýgloozernoe aýylynda 10 jastaǵy bala elektr qosalqy stantsiiasynyń aýmaǵynda toq soǵyp, kóz jumdy. Oqiǵa 1 qyrkúiek kúni keshke bolǵan. Osy fakti boiynsha politsiia qylmystyq is qozǵady, dep habarlaidy ult.kz.
BQO Politsiia departamentiniń málimetinshe, 2015 jyly týǵan bala elektr qosalqy stantsiiasyna kirip, toqqa túsken. Ol oqiǵa ornynda qaitys bolǵan.
Jergilikti turǵyndar nysannyń qorshalmaǵanyn jáne esikteriniń qulyptalmaǵanyn aitqan. Alaida bul aqparat ázirge resmi túrde rastalǵan joq.
Politsiia oqiǵanyń barlyq mán-jaiyn anyqtap jatyr. Vedomstvo ata-analarǵa balalarǵa qaýipsizdik erejelerin únemi túsindirip otyrýdy eskertti.
