Oral qalasynyń bir bóligi taǵy da sýsyz qaldy, dep habarlaidy "Ult aqparat".
Batys Qazaqstan oblystyq Tótenshe jaǵdailar departamentiniń baspasóz qyzmetinen málim etkenindei, 12 tamyz kúni saǵat 12.30-da Eýraziia dańǵyly, 64 mekenjaiy mańynda káriz kollektory jaryldy.
Qazirgi kezde apattyń sebebi anyqtalý ústinde.
Apatqa bailanysty búgin saǵat 07.00-den bastap temirjol vokzalynan N.Nazarbaev dańǵylymen Saraishyq kóshesine deiin, odan 2-baza aýdanyna deiin (5194 abonent) sý berý toqtatyldy.
Oqiǵa ornynda «Batys sý arnasy» JShS-nyń brigadasy (12 qyzmetker, 3 tehnika) jóndeý-qalpyna keltirý jumystaryn júrgizýde.
Turǵyndardyń sózine qaraǵanda, sý Zachagan kentinde de joq.
Aita keteiik, Oral qalasynda aýyzsý problemasy kópten beri týyndap keledi.
