Oral qalasynda tórt emhana karantinge jabyldy, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaevtyń aitýynsha, Oral qalalyq bas memlekettik sanitarynyń qaýlysyna sáikes №2, №3, №4 jáne №5 emhanada ýaqytsha karantin jariialandy.
«Bul mekemelerge koronavirýs juqtyrǵan naýqastar kelip, qyzmetine júgingen. Qazirgi ýaqytta zalalsyzdandyrý jumystary tolyqtai júrgizildi. Emhana qyzmetkerlerinen alynǵan test teris nátije kórsetken jaǵdaida atalǵan mekemeler qaita ashylatyn bolady. Degenmen jedel járdem mekenjailar boiynsha qyzmet jasai beredi», dedi N.Mustaev.
Oblysta barlyǵy 93 aýrý oshaǵy tirkelip, naýqastarmen 1115 adamnyń, sonyń ishinde 597-siniń jaqyn bailanysta bolǵany anyqtaldy.
Óńirde indetke qarsy kúres jalǵasýda. Oblysta 414 naýqas anyqtalsa, sonyń 377-si Oral qalasynyń úlesine tiedi.
