Nur-Sultan qalasynda bastaý alǵan «Jastar uiymdarynyń netvorkingi jáne tájiribe almasýy» jobasy Oral qalasynda jalǵasyn tapty. ÚEU men JRO ókilderi arasynda uiymdastyrylyp jatqan sharaǵa Mańǵystaý, Atyraý, Aqtóbe oblystary men Oral qalasynyń 200-ge jýyq jas belsendi qatysty.
Ekinshi kúni ótken «ÚEU + biznes = jastarǵa arnalǵan múmkindikter» atty aimaqtyq konferentsiiada túrli sala mamandary men óz kásipterin damytýdy maqsat tutqan jas kásipkerler bas qosty. Is-shara aiasynda ár uiym ókilderi birlesip jasaǵan biznes-josparlaryn kópshilik aldynda qorǵap, jobalarynnyń qoǵamǵa qandai paida ákeletindigin áńgimeledi.
«Bolashaq» Qaýymdastyǵynyń atqarýshy direktory Laýra Demesinova jastar arasyndaǵy bailanysty nyǵaityp, olardyń birlese jumys isteýine jaǵdai jasalyp jatqandyǵyn tilge tiek etti.
«Bul sharanyń uiymdastyrylýdaǵy basty maqsaty – memlekettik organdarmen jumys jasaýda tiimdi aqparat pen tájiribe almasý úshin aimaqtardaǵy ÚEU jastaryna qoldaý kórsetý. Qazir jastar osy netvorking arqyly bir-birimen tanysyp, birge atqaratyn jobalar týraly kelisimder jasaýda. Osy turǵyda qaraityn bolsaq, Oral qalasynda uiymdastyrylǵan «Jastar uiymdarynyń netvorkingi jáne tájiribe almasýy» jobasy óz maqsatyna jetti dep esepteimin», - deidi Laýra Demesinova.
Shara sheńberinde aimaqtardan kelgen tanymal spikerler jastarǵa óz keńesterin aityp, tájiribesin bólisti.
Elimizde alǵash ret uiymdastyrylǵan «Jastar uiymdarynyń netvorkingi jáne tájiribe almasýy» jobasy Oral qalasynyn ózge, Almaty, Shymkent, Pavlodar óńirlerinde jalǵasyn tabady. Joba nátijesi boiynsha ÚEU men JRO-nyń eń úzdik qazaqstandyq tájiribesi negizinde arnaiy jinaq jaryq kóredi.
Aita ketsek, «Bolashaq» Qaýymdastyǵy atalǵan jobany QR Aqparat jáne qoǵamdyq damý ministrliginiń qoldaýymen, «Azamattyq bastamalardy qoldaý ortalyǵy» KEAQ memlekettik granty sheńberinde uiymdastyrdy.
