Abat Shynybekov Oral qalasynyń ákimi bolyp taǵaiyndaldy, dep habarlaidy "Ult aqparat" Batys Qazaqstan oblysy ákiminiń baspasóz qyzmetine silteme jasap.
«Murat Rahmetuly Muqaevtyń basqa jumysqa aýysýyna bailanysty QR Prezidenti Ákimshiligi jáne Oral qalasy máslihatynyń kelisimimen rotatsiia boiynsha Oral qalasynyń ákimi bolyp Shynybekov Abat Abaiuly taǵaiyndaldy», delingen habarlamada.
Abat Abaiuly Shynybekov 1973 jyly dúniege kelgen. Bilim joǵary, Batys Qazaqstan aýyl sharýashylyq institýtyn «Aýyl sharýashylyǵyn mehanikalandyrý», «Eýraziia» Batys Qazaqstan menedjment jáne tilder institýtyn «Ekonomika jáne menedjment», Batys Qazaqstan injenerlik-gýmanitarlyq ýniversitetin «Aqparattyq júieler» mamandyqtary boiynsha bitirgen. Tehnika ǵylymdarynyń magistri.
Ár jyldary: Qaratóbe aýdanynyń ákimi apparatynda maman, bas maman, bólim meńgerýshisi, Batys Qazaqstan oblysy ákimi apparatynda bas maman, bas inspektor, Kaztalov aýdanynyń ákiminiń orynbasary, Oral qalasy ákimdiginde bólim bastyǵy, ákim keńesshisi, «Nur Otan» partiiasynyń Batys Qazaqstan oblystyq filialy tóraǵasynyń orynbasary bolyp qyzmet atqarǵan. Oral qalasynyń máslihat hatshysy, Syrym aýdanynyń ákimi boldy.
2017 jyldyń maýsym aiynan bastap Kaztalov aýdanynyń ákimi boldy.
