Kúzgi egis jumystaryna dep diqandarǵa 440 myń tonna dizel otyny bólingen. Bul týraly QR Energetika ministrligi Munai tasymaldaý jáne óńdeý departamentiniń direktory Baýyrjan Sálimgereev ortalyq kommýnikatsiialar qyzmetinde ótken brifingide aitty, dep habarlaidy QazAqparat.
«Oraq jumystaryn júrgizý jáne jem daiyndaý úshin aýyl sharýashylyǵy taýaryn óndirýshilerdiń atyna 440 myń tonna dizel otyny bólindi. Resýrs ustaýshylardyń bosatý baǵasy «Pavlodar munai-himiia zaýytynda» JShS men «PKOP» JShS-da dizeldiń tonnasyn 189 myń teńgeden nemese litrin 159 teńgeden, al» Atyraý munai óńdeý zaýyty» JShS-da tonnasyn 187 myń teńgedene nemese litrin qosymsha qun salyǵyn qosqanda 159 teńgeden alýǵa bolady. Jetkizý men saqtaý shyǵyndaryneskere otyryp, dizel otynynyń baǵasy óńirge bailanysty shamamen litrine 175-180 teńge bolady. Bul janarmai quiý stansalaryndaǵy baǵadan arzan», - dedi Baýyrjan Sálimgereev.
Energetika ministrligi ókiliniń sózine qaraǵanda, 20 qyrkúiektegi jaǵdai boiynsha oraq jumystaryna dep 282 myń tonna dizel otyny jóneltilgen.
«Kúzgi egis jumystary boiynsha shilde jáne tamyz ailarynyń kólemi tolyǵymen jóneltildi, qyrkúiekke málimdelgen kólem boiynsha kelisimshart jasalyp, aqysy tólendi. Endi jóneltý ǵana qaldy Qazan aiynda 28,5 myń tonna dizel jetkiziledi. Ministrlik jóneltimderge turaqty monitoring júrgizip otyr», - dedi departament direktory.
